قصيدة طاوعك قلبك

طاوعك قلبك



طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم
حرام تترك خفـوق يشكـي غيابـك
وأنته بقلبي اعـز النـاس واغلاهـم
ناديت والصوت لا شـدك ولا يابـك
يا سيدي يا عديـل الـروح يـا فاهـم
وانت بوجه اشتياقـي تغلـق ابوابـك
وانا اقرب الناس من قلبك و أوفاهـم
نسيت حتى تقول اشفيك وش صابـك
يوم الألم عـذب عروقـي واشقاهـم
بديت ناس علـى ناسـك واصحابـك
ما اتعبـت نفسـك تدورهـم وتلقاهـم
نامت عيونـك ونـام الليـل باهدابـك
والي شكوا غيبتك ذالنـوم مـا ياهـم
زادوا على جرحهم كم جرح باسبابـك
وان اقبل الليل صوت الجرح صحاهم
أرسل لك عتاب قلبي و أحسب حسابك
وأبياتي البيض دايـم باسمـك ابداهـم
يجبرني الشوق يجبرني على عتابـك
واتمنى تقرا وتعـزف قبـل تقراهـم
لمت الخفوق الي اذا قابلك هـلا بـك
يا اطيب الناس في عينـي وأغلاهـم
طاوعك قلبك تغيب وتهجـر أحبابـك
تنسـى غلاهـم وتتركهـم وتنساهـم

[center]

صح لسان قايلها ولا هان ناقلها ..
ربي يحفظه الشيخ حمدان .. ..
الله يعطيج العافيه دلوعة عيمان ...

صح لسان قايلهااااااااااااا

وتسلم انامل ناقلهاااااااا