قصيدة ( ليه و كيف ) الشيخ حمدان بن محمد بن راشد ال مكتوم
ياهاجوسي للزمن حكمة وللمهمـوم والـي /// والبنـادم راس مالـه عزتـه والله وكيلـه
اعتزالـي للحيـاة المغريـة غيـر اعتزالـي /// والدروب الدائريـة والـدروب المستطيلـة
ومستحيلات الـدروب احبهاوالاستحالـي /// ماتخوفني الـدروب الكايـدة والمستحيلـة
هبتي فعـلا تسولفـه الرجـال وراسمالـي /// ذكر شيخ لاوقف وقفته تغني عـن زجيلـه
والقصيد يقاسم الاحساس والبيت ارتجالـي /// غني الساري لامنك ضقت والطرقة طويلـة
لاتهاب الكوس ولا ترهبك ريـح الشمالـي /// دامك تعرف النصر ماهي تشابـه الفشيلـة
لين تلقالك وطن كأنه مـن الفكـر الخيالـي /// ينتميلك وانت من زود المحبـة تنتمـي لـه
وان سألت أجاوبك لكن بطرحلك سؤالـي /// والسؤال الي انا بطرحـه لاتطلـب بديلـه
من يعلـم الاغنيـاء الـي يحبـون الريالـي /// عن كرم زايد وفلفستـه و وقفتـه النبيلـه
ومن يفهم الاغنياء بان البحر ماهـو بحالـي /// لاتلاطم موجه وحول على التربـة مسيلـه
ومن يترجملي رموز الوقت وظروف الليالـي /// كل رمز له حروف وكل حرف فيـه ميلـه
ومن يسولفلي عن دموع الغلى من عين غالي /// وعن احاسيس الشجر لاغرقه مزن المخيلـه
وعن تفاصيل الكلام الـي ابيـه وماطرالـي /// وعن تخباط المضيع يـوم ماحصـل دليلـه
وعن حنين النوق لامنها رعت خضر المفالـي /// وعن غرام الوادي الي له سنة ما مـر سيلـه
وعن صقور ماتطيح الا علـى روس الجبالـي /// ليه قامت كـل عصفـور تجيلـه تمتيليلـه
وعن نهار اشرقت شمسه ولا شفت الضلالـي /// عن طموح يمتلك غاية لكـن مالـه وسيلـة
وكيف كل انسان يطمح بانه الشخص المتالي /// وكيف انا قلبي سعيد ونفسي اللقاها عليلـة
وكيف تعبر فرحة البنت اليتيمة من خلالـي /// وكيف ازرع حزنها فرح وضحكتها حصيلة
وكيف اخلي اسمي مقدر اذا ذكـروا مجالـي /// وكيف اداوي بالكرم تفاهة النفس البخيلـة
وكيف اوظف جهدي لتحقيق صعبات الامالي /// وكيف يجيني الي انا تمنيته وانا ويشلون اجيله
وليه حظي مايساعدنـي اذا قـل احتمالـي /// وليه غلطات الزميل المحتـرم يجـرح زميلـه
وليه ليلي مايقدرنـي وانـا ساهـر لحالـي /// وليه صبحي مايفرحنـي كثيـره او قليلـه
وليه ظهري بيح لصبحي سبب قلة وصالـي /// وليه عصري يشتكي ظهره وظلمه عند ليلـه
وليه ماتخلى قلوب المسلميـن مـن التعالـي /// وليه جفنـي ماتبكيـه الحمـام ولا هديلـه
ليه والا كيف والا عن ومن هـذا سؤالـي /// جاوبه يالشاعر الي فاهمـاٍ وايـش اعنيلـه
واذا تضايق للزمن حكمة وللمهمـوم والـي /// والبنـادم راس مالـه عزتـه والله وكيلـه
الإثنين سبتمبر 29, 2008 9:28 am
